Joan den apirilaren 1ean, arrantza egiteko debekua kendu zen eta horrela jaso da 2018ko martxoaren 13ko 51 zenbakidun aldizkari ofizialean argitaratu den martxoaren 8ko foru aginduan.

Aipatu aginduan, I. Eranskinean, Legazpitik igaro den Urola ibaiaren zein gunetan egin daitekeen arrantzan jaso da. Hauek dira gune horiek:

“Hil-gabeko arrantza tartea”:

* Legazpiko Azpikoetxe kaleko zubitik Telleriarteko Pastain etxera doan zubiraino. (arrantzaldia, uztailaren 31ra arte).

Arrantza tarte libreak:

* Barrendiolako presa

* Zumarraga-Urretxuko Aparicio estalduratik Legazpiko Sidenor (Antxute) estalduraino.

Arrantza debekatuta:

Udalerriaren gainerako guneetan.