Ibilgailuetan erabilitako olioa Deskargako Garbigunean utzi behar da
Pasa den astean, Urtatzako edukiontzien ingurua zikinduta topatu genuen, autoetan erabiltzen den olio orban handi bat agertu zen eta.
Argazkian ikus daitekeen moduan, olio orbaina paper eta kartoiaren eta plastikozko edukiontziak biltzeko edukiontzien parean zegoen eta hori arriskutsua izan daiteke bertara hondakinak botatzera gerturatzen den edonork irrist egin eta erori daitekeelako.
Gogorarazi nahi dugu hondakin hau hondakin arriskutsua dela eta horrenbestez ezin dela inoiz edukiontzi arruntetan isuri; horren ordez, Deskargako Garbigunera eraman behar da.
Udaletik herritarrei laguntza eskatzen dizuegu ingurugiroaren kontrako ekintza bidegabe honen erantzulea identifikatzeko.
