Gaur, 2019ko martxoaren 7an eta udaletxeko Batzar aretoan, Jose Luis Arzuaga herritarrak eta Koldobike Olabide alkateak, “Olagizonen omenez” izeneko eskulturaren dohaintza-hitzarmena sinatu dute.

Hitzarmenaren arabera, Arzuaga jaunak Udalari eman dio eskultura.

Hitzarmenaren sinadura-ekitaldian Iñaki Gastanares Legazpiko Udal Idazkaria, egintzaren fede publikoa emanez, eta Javier Iraeta, Eric Galvez eta Iñigo Imaz izan dira.

Eskulturaren ezaugarriak hauek dira:

EGILEA: Jose Luis Arzuaga Ayerbe (Legazpi 1940)

URTEA: 2010ean hasi zen lana eta 2013an bukatu zen.

MATERIALA: Beix koloreko kareharria, marroi koloreko zainekin.

PISUA: Hasierako harriak 12,5 tona pisatzen zuen eta eskulturak 3,5 tona pisatzen du.

ALTUERA: 3.30 m

OSAGARRIAK: Burdina forjatuzko kurrikak.

Arzuaga jaunak eskultura Legazpiko Udalari ematea eta Mirandaola parkean jartzea proposatu du.