pulse aquí para ir al facebook del Ayuntamiento de Legazpi pulse aquí para ir al twitter del Ayuntamiento de Legazpi pulse aquí para ir a Youtube del Ayuntamiento de Legazpi pulse aquí para ir al flickr del Ayuntamiento de Legazpi pulse aquí para ir al instagram del Ayuntamiento de Legazpi

52 gazte eta 22 begirale joango dira Sorgintxuloren udako kanpaldira
13
Uzt
2015

52 gazte eta 22 begirale joango dira Sorgintxuloren udako kanpaldira

Uztailaren 16tik 29ra, Burgosko Hortiguela herrian

Legazpiko Sorgintxulo Aisia Elkarteak, udaleko Gazteria, Euskara eta Hezkuntza sailekin batera, hamaika ekintza gauzatzen ditu urtean zehar herriko haur eta gazteentzat. Eta udako kanpaldia izan ohi da ekintza izarra.
 
Aurten, datorren ostegunetik (uztailak 16) hilaren 29ra egingo dute kanpaldia, Burgosko Hortiguela herrian. 12 eta 16 urte bitarteko 52 legazpiarrek eman dute izena udalekuetara joateko. Horiekin batera Legazpiko 22 begirale joango dira. Horietako batzuk astelehenean bertan, hilak 13, gazteak iristerako kanpamendua prest izateko; hala nola sukaldea, jangela, komunak, dendak... 
 
Gazteak oso gustura joaten dira, eta normalean, behin joaten dena itzuli egiten da. Izan ere, udalekuetan, gazteek elkarbizitza zer den ikasten dute, eta hainbat eta hainbat ekintza gauzatzeko aukera izaten dute; besteak beste, egun bereziak ospatzen dituzte (zikinaren eguna, uraren eguna...), irteerak egiten dituzte, eta baita hainbat gau-bela ere. Sorpresak ere izaten dira!

Kartela

 

Albiste guztiak