Legazpiko Udalak prest du hasi berri den ikasturte honetarako ikastaro eskaintza, eta egunotan banatuko da herriko postontzietan. Irekita daude Egur Talla eta Buztingitzako ikastaroetarako izen emateak dagoeneko eta datorren astean irekiko da eskulan eta josteko ikastaroetarakoa. Lau ikastaro hauetarako izen ematea Kultur Etxeko harreran egin beharko da.
