pulse aquí para ir al facebook del Ayuntamiento de Legazpi pulse aquí para ir al twitter del Ayuntamiento de Legazpi pulse aquí para ir a Youtube del Ayuntamiento de Legazpi pulse aquí para ir al flickr del Ayuntamiento de Legazpi pulse aquí para ir al instagram del Ayuntamiento de Legazpi

“Trikornio txapelketa”, irailaren 21ean.
17
Ira
2019

“Trikornio txapelketa”, irailaren 21ean.

Izenematea irailaren 19ra arte, LHko 5. eta 6. eta DBHko 1. eta 2. mailako neska-mutilentzat.

Izenematea irailaren 19ra arte,

LHko 5. eta 6. eta DBHko 1. eta 2. mailako neska-mutilentzat

 

Legazpiko Sorgintxulo Aisialdi Taldeak,

Udaleko Euskara, Gazteria eta Hezkuntza zerbitzuek eskatuta,

hamaika ekintza gauzatzen ditu herrian urtean zehar.

Datorren larunbatean, irailaren 21ean, esaterako,

Trikornio txapelketa egingo du;

hau da, saskibaloi, eskubaloi eta futbol txapelketa.

LHko 5. eta 6. eta DBHko 1. eta 2. mailako ikasleentzat

apropos prestatutako txapelketa da.

Goizeko 9:30ean hasiko da,

Domingo Agirre ikastetxeko pilotalekuan.

Arratsaldean, 16:00etan, berriro elkartuko dira,

eta ondoren, askaria izango dute.

 

Ekintzaren helburu nagusia, euskaraz hitz egitea

eta hainbat kiroletan aritzea da.

 

Datorren ostegunera arte, hau da irailaren 19ra bitartean

eman ahal izango da izena, herriko 3 ikastetxeetako idazkaritzetan,

hau da, Domingo Agirre ikastetxean, Haztegi ikastolan eta Olazabal institutuan.

Parte hartzeko, ezinbestekoa izango da

gutxienez, 7 pertsonak eta gehienez, 10ek osatutako taldea izatea.

 

Esan bezala, Sorgintxulok burututako ekintza hau

Haur eta gaztetxoen aisialdian

euskararen erabilera bultzatzeko programarenbaitakoa da,

Udaleko Euskara, Gazteria eta Hezkuntza zerbitzuek antolatzen dutena.

Txapelketa hau azken 8 urtetan antolatu da

eta oso arrakasta handia du eta

nesken parte-hartzea geroz eta handiagoa da.

Guztiak animatzen ditugu parte har dezaten, neskak eta mutilak.

 

Urtea amaitu bitartean, beste hainbat ekintza egingo dituzte:

Txuri Urdinera irteera; eta Lakiolara txangoa.

Albiste guztiak