pulse aquí para ir al facebook del Ayuntamiento de Legazpi pulse aquí para ir al twitter del Ayuntamiento de Legazpi pulse aquí para ir a Youtube del Ayuntamiento de Legazpi pulse aquí para ir al flickr del Ayuntamiento de Legazpi pulse aquí para ir al instagram del Ayuntamiento de Legazpi

2019ko egutegiko lehiaketa.
04
Urr
2019

2019ko egutegiko lehiaketa.

Iraileko erantzuna:

Sahats edo zume negartia (Salix babylonica)

Sahatsa, Zume negartia,  8 eta 12 metro arteko altuerako zuhaitza da, eta batzuetan, 26 metro ere hartzen ditu. Hosto erorkorrak ditu.  

 

Adar mehe, malgua eta luzeak ditu, eta ia lurreraino zintzilika egoten dira, zuhaitzari triste itxura emanez. Triste itxura horrek eman dio izen arrunt ezaguna zuhaitzari: "negarti".

Enborrak azala zartatua du.

Hostoak lantzeolatuak dira, eta 8 eta 15 cm arteko luzera hartzen dute. Ertz fin-fin zerratuak ditu eta berde-horixka kolorekoak dira.

Hosto berriak jaiotzen direnean loratzen da zuhaitza.

Loreek hori kolore argia izaten dute, eta garbatan bilduta egoten dira.  Zuhaitza unisexuala da: lore arrek bi lorezil izaten dituzte eta lore emeek pistilo sesil bakarra dute, ilegabea.

Negua epela denean, sahatsak edo zume negartiak ez ditu hosto guztiak galtzen.

 

Jatorriz, Txinako erdialde eta hegoaldekoa da zuhaitza. Europan apaingarri gisa erabiltzen hasi zen orain dela mende batzuk, eta orain dela gutxi ibai-ertzak indartzeko landatzen hasia da.

Antzinatik zuhaitz honen azala oso preziatua izan da sendagai gisa., azalak mina kentzeko eta sukarra jaisteko balio du, propietate analgesiko, antiinflamatorio eta antierreumatikoak dituelako.

Gauza askotarako erabiltzen da bere egurra: altzariak eta kaxak egiteko,  paper pastarako, beisboleko eta cricketeko bateak egiteko, erreminten kirtenak egiteko …

Gure egutegian, iraileko argazkian, sahatsa edo zumea ageri da Domingo Agirre plazan, baina ez da zume negartia.

 

Albiste guztiak