Urtarrilean zabalik egongo da Mintzalagun taldeetan izena emateko epea.
Izena emateko hainbat bide dituzu:
- labur.eus/mintzalagun helbidean sartu eta zure datuak bidali,
- deitu 843 74 00 90 telefono zenbakira edo
- etorri Euskaltegira.
Askotan urduritasunak, beldurrak, lotsak… ez digu uzten euskaraz lasai hitz egiten.
Zuri ere pasatu zaizu inoiz? Beldurrak uxatzeko, urduritasuna kentzeko eta lotsa galtzeko aukera ona da Mintzalagunak izatea.
Astean ordubete baino ez duzu behar!
Zer dira Mintzalagunak?
Mintza saioak euskaraz lasai egiteko lagunak dira. Astean behin, ordubetez, 4-5 lagun elkartzen dira eta giro lasaian euskaraz egiten dute, lagunarteko giroan.
Taldeetan mintzakideak eta gidariak egoten dira. Gidariak euskaraz hitz egiteko ohitura duten lagunak dira eta taldekideei laguntzeko prest daude.
Mintzakideek, berriz, mintzasaioak aprobetxatzen dituzte euskara praktikatzeko.
Gogoratu, urtarrilean zabalik izango da Mintzalagun taldeetan izena emateko epea .
