Ekainaren 8tik aurrera, astelehena, Eguneko Zentroa martxan izango da berriz.
Eguneko Zentroa martxoaren 14an itxi zen COVID-19ak eragindako osasun-krisiaren egoera kudeatzeko alarma-egoera deklaratzen duen martxoaren 14ko 463/2020 Errege Dekretuaren ondorioz.
“Normaltasun berrirako” bidean, berriro hasiko diren jarduera guztietan prebentzio neurriak hartu behar ditugu COVID-19aren kutsapena saihesteko.
Zentzu honetan, Eguneko Zentroa ekainaren 18an, hurrengo astelehenean, irekiko d, aurrez COVID-19ren kutsapen-arriskua minimizatzeko beharrezkoak diren segurtasun-neurri guztien aurreikuspena barne hartzen duen kontingentzia-plan bat eginda.
Horrela, Eguneko Zentrora itzultzea erabaki duten 17 lagunek segurtasun berme guztiak izango dituzte.
Legazpiko Eguneko Zentroak duela 25 urte ekin zion jardunari, 1995eko apirilaren 4an. Orduan 6 lagun joaten ziren, astelehenetik ostiralera.
Gaur egun, zentroak 24 erabiltzaile har ditzake astelehenetik ostiralera eta 18 asteburu eta jaiegunetan. Egunero 8 orduko zerbitzua ematen zaie.
Hauek dira eskaintzen dituen zerbitzuak: arreta pertsonala; arreta psikologikoa; bazkari, askari eta afariak; animazio ekintzak eta terapia okupazionala.
