Datorren 2020-2021 ikasturtean Helduen Hezkuntzan ikasteko
matrikulazioa zabalik dago ekainaren 30era bitartean.
Bizi dugun egoera hau dela eta, matrikulazioa bideratu ahal izateko
Zelai Aristi Kultur etxean kokatuta dagoen Zumarragako zentrora
deitu beharko da (943 72 40 67) 9:30etik 13:30era.
Legazpiko zentroa Itxaropen auzoan 10-11.zenbakietan
dagoen udal eraikin batean kokatuta dago.
Hezkuntza publikoa eta doakoa eskaintzen du
eta irakasleria eta funtzionamendua Eusko Jaurlaritzaren esku daude.
Aurtengo ikasketa-eskaintzaren barruan XX.mendeko historiari
eta zineari egindako keinua azpimarratu behar da.
2020-2021 ikasturterako ikasketa-eskaintza honakoa da:
- Derrigorrezko Bigarren Hezkuntzako Titulua (DBH)
-
Unibertsitaterako
eta Goi Mailako Zikloetarako Sarbide proba prestakuntza - Hizkuntzak: Euskara eta Ingelesa
- Hasierako ikasketak
- Gaztelera atzerritarrentzat
- Literatur solasaldia
- XX. mendeko historia zinemaren bitartez
- Informatikako oinarrizko ikastaroa
Inoiz ez da berandu ikasitakoa gogorarazteko
edo asmo berrietan hasteko.
Aprobetxa ezazu Helduen Hezkuntzak
ematen dizun aukera paregabea!
