3.800 €-ko diru-laguntzak onartu dira eta, horien ondorioz, 8.700 €-ko salmentak bultzatu dira.
Irailaren 1ean hasi zen familia legazpiarrei eskola-materiala eta ekipo informatikoak, zehazki ordenagailuak, erosten laguntzeko diru-laguntza kanpaina.
COVID-19 pandemiak sortutako testuinguru sozial eta ekonomikoan, kanpaina horren helburuak izan dira, batetik, familiei laguntzea, eta, bestetik, tokiko merkataritzan kontsumoa sustatzea.
6 aste igaro dira, eta jaso diren 31 eskaeretatik 24 aztertu dira:
- 17 eskaera eskola-materialerako
- Eskaera bakarra ekipo informatikorako
- 6 eskaera gauza bietarako
Eta hauxe izan da emaitza:
- 21 eskaera onartu dira.
- Ez dira 2 eskaera onartu, eskatutako baldintzak betetzen ez dituztelako.
- Eskaera bat ez da oraindik erabaki, eskatutako dokumentazioa jasotzearen zain.
Batez beste 185 euro banatu dira familia bakoitzeko; horrela, 300 € izan da familia batek jaso duen gehienezko kopurua, eta 70 € gutxienekoa.
Azkenik, gogorarazi nahi dizuegu kanpaina urriaren 30ean amaituko dela; beraz, LAGUNTZAK ESKATZERA animatu nahi ditugu familia legazpiarrak eta, horrela eginez, TOKIKO KONTSUMOA LEHENETSIKO dugu.
Informazio zehatza izapidearen fitxan
