Print this page
Covid-19 inbertsiorako dirulaguntzen kopurua 4.000 €ra handitu da
24
Aza
2020

Covid-19 inbertsiorako dirulaguntzen kopurua 4.000 €ra handitu da

Pandemiak kaltetutako autonomoei, mikoenpresei, ostalaritzari eta tokiko merkataritzari zuzenduta

Pandemiak kaltetutako autonomoei, mikoenpresei, ostalaritzari eta tokiko merkataritzari zuzenduta

 

Udalak 2020ko maiatzaren 26an dirulaguntza lerro bat argitaratu zuen mikroenpresen lehiakortasuna hobetzeko eta tokiko merkataritza biziberritzeko.

Dirulaguntza hauetako 25.000€-ko lerro bat bideratuta zegoen mikroenpresen, dendarien eta ostalarien lokalak COVID-19ak eragindako osasun-krisi egoerara egokitzera.

 

 

Diru-laguntza lerro hau finantzatzeko Gipuzkoako Foru Aldundiak 28.838 €ko dirulaguntza eman dio udalari COVID-19ari aurre egiteko tokiko denda- eta ostalaritza-sektorearen ekonomia biziberritzeko programaren baitan.

 

Gaur arte, Legazpiko Udalak 20 dirulaguntza eman ditu, 7.626 € guztira, eta dirulaguntza jaso duten enpresek 19.612 € inbertitu dituzte.

 

Ikusirik emandako dirulaguntzak daukagun diru kopurutik askoz beherago geratu direla, atzo, astelehena hilak 23, Gobernu Batzordeak erabaki zuen dirulaguntzaren kopurua 4.000€-ra igotzea.

 

Dirulaguntzak 2020ko abenduaren 31a arte eskatu daitezke.

 

Orain arte aurkeztutako dirulaguntza eskaerak berrikusiko ditugu eta automatikoki eguneratuko dugudiruz lagun daitekeen kopurua, jasotako laguntza diruz lagun daitekeen inbertsioaren % 70a izan dadin.

 

Udaletik animatzen zaituztegu dirulaguntza hauek eskatzera osasun-krisiarekin lotuta osasun arloko prebentzio eta higiene ekipoetan eta espazioak eta altzariak egokitzen inbertsioak egin badituzue.