pulse aquí para ir al facebook del Ayuntamiento de Legazpi pulse aquí para ir al twitter del Ayuntamiento de Legazpi pulse aquí para ir a Youtube del Ayuntamiento de Legazpi pulse aquí para ir al flickr del Ayuntamiento de Legazpi pulse aquí para ir al instagram del Ayuntamiento de Legazpi

“La Revoltosa” Zarzuela Musika eta Arte Eszenikoak DVDan zikloan
12
Ots
2021

“La Revoltosa” Zarzuela Musika eta Arte Eszenikoak DVDan zikloan

Otsailaren 17an, asteazkena, 18:30ean Kultur Etxean.

 

Otsailean Zarzuelari egingo diogu tartea, Musika eta Arte Eszenikoak DVDan zikloan,

eta Ruperto Chapí maisuaren “La Revoltosa” eskainiko dugu.

 

“La Revoltosa” ekitaldi bakarreko sainete lirikoa da. Libretoa Jose Lopez Silva eta Carlos Fernandez Shaw idazleena eta musika Ruperto Chapí maisuarena. Madrilgo Apolo antzokian eskaini zen lehen aldiz 1897ko azaroaren 25ean.

“Verbena de la paloma” obrarekin batera, genero txikiaren obra garrantzitsuena da; libretoaren eta musikaren maisutasuna ikusarazten duen oinarrizko pieza da.

Libretoak XIX. mende bukaerako auzoetako giroa islatzen du fideltasun handiarekin eta garai hartako pertsonaien eta egoeren erretratu bikaina eskaintzen du. Eta hori guztia libreto-egile bikainei esker: Jose Lopez Silva eta Carlos Fernandez Shaw, eszenatokira urte haietako Madrilgo errealitatea eta sentipena ezin hobeto eramaten jakin dutenak.

Musika da sainete honetan hoberen baloratu izan den elementua. Ruperto Chapí musika-egileak benetako obra sinfonikoa eta herrikoia sortu zuen. Bere musikak hasieratik txunditzen du ikuslea eta osatu zuen partituran alderdi kultua eta alderdi herrikoia ezin hobeto doaz eskutik helduta.

 

Eskainiko den lanaren nondik norakoak biltzen dituen esku-orria paperean nahi duenak, emanaldiaren sarreran eskatu eta emango zaio.

Bizi dugun egoeraren ondorioz, Areto Nagusiak edukiera mugatua duenez, aurrez izen-ematea egitea gomendatzen da, Kultur Etxeko Harrerara gerturatuz edo 943737202 telefonora deituz.

 

 

Albiste guztiak