On Egin Bonuen programaren helburua Legazpiko ostalaritza eta jatetxeetako kontsumoa sustatzea da, COVID-19ko  pandemiak eragindako krisi ekonomikoaren aurrean sektorea suspertzeko neurri gisa.

 

Bonu-programa hori Legazpiko tabernariekin landu eta adostu da. Ostalaritza udalerriko motor ekonomiko garrantzitsua da, familia asko bizi dira bertatik,  eta salmentak sortzen laguntzen du beste jarduera batzuetan ere, hala nola merkataritzan edo banaketa-enpresetan. Gaur egungo egoera zaila dela eta, bonu horien helburua da sektoreari laguntzea eta legazpiarrei deskontu bat egitea ahalbidetzea.

 

Datorren astelehenetik aurrera, martxoaren 22tik aurrera, programa honekin bat egiten duten Legazpiko 18 taberna eta jatetxeek kontsumizioen prezioa jaisteko aukera eskainiko diete bezeroei.

 

Programari atxikitako establezimenduak honako hauek dira:

 

AITXURI

AZPIKOETXE

GOIKO IZARRA

LAUBIDE

ELIZONDO

GIROA

GURE KABIA

GURRUTXAGA

IBAIONDO

INSAUSTI

KARIBE BERRIA

KARIBE ZAHARRA

KATILU

KUKUE

MAIATZA

URBELTZ

XARPOT

ZABALETA

 

Guztietan programa azaltzen duen kartela egongo da ikusgai.

 

Bezeroek tabernan bertan eskatuko dituzte On Egin bonuak, ordaintzeko garaian.

 

5 €ko kontsumo bakoitzeko 2 €-ko bonoa aplikatuko da; beraz, bezeroak 3 € bakarrik ordainduko ditu.

 

Faktura handiagoetarako, bonuak metatu daitezke, gehienez ere 20 bonu. Muga horrek esan nahi du 100 euroko kontsumoagatik 40 euroko bonuak lor daitezkeela, eta, beraz, kontsumitzaileak 60 euro baino ez dituela ordainduko.

 

Udalak 500 bonu eman dizkio establezimendu bakoitzari, hau da, 18.000 euroko ekarpena egin dio Legazpiko ostalaritza sustatzeko kanpaina honi.

 

Kanpainak bonu guztiak agortu arte edo, gehienez, maiatzaren 31ra arte iraungo du.