Aurreratu da Legazpiko haurreskoletan izena emateko epea.
Beste urtetan maiatzeko festak pasa eta gero egiten bazen ere,
oraingoan apirilaren 21era arte eskaerak aurkezteko aukera izango dute.
Eskaerak online edo aurrez aurre egin daitezke.
Horrela, 2020 eta 2021 urteetan jaiotako haurren gurasoek edo legezko tutoreek,
Haurreskolak Partzuergoko zentroetan plaza eska dezakete
datorren irailean, urrian edo azaroan hasteko.
Martxoaren 21etik aurrera jaiotakoek
apirilaren 21etik aurrera izenematea haurreskolan aurkeztu ahal izango dute
bere jaiotze datatik hilabete bat bete arteko epean
eta behin behineko edota behin betiko zerrendetara gehituko dira.
Jaio berri hauen izen ematea gauzatu ondoren,
ezin izango dute dokumentazio berririk aurkeztu.
Ekainaren 20tik aurrera haurreskolan entregatzen diren jaioberrien izenemateak
behin betiko zerrendak publikatu ostean
(ekainaren 30ean) kudeatuko dira,
beti ere dagokion adin tartean plaza librerik balego.
Haurreskolen helburu nagusia
Haurreskolen helburu nagusia familiei hezkuntza eta laguntza zerbitzua ematea da.
Haur-eskolek 0 urtetik eta 2 urtera bitarteko haurren
zainketa osoa eta hezkuntza kontuan hartzen dituzte
haurren gaitasun fisiko, afektibo, sozial
eta intelektual guztiak behar bezala garatzeko.
Legazpiko haurreskolak
Dakizuen bezala, Legazpin 2 haurreskola daude:
San Juan Haurreskola eta Itxaropen Haurreskola.
Biak publikoak dira Haurreskolak Partzuergokoak.
Eusko Jaurlaritza eta udalerrien arteko hitzarmenetatik sortutakoak.
Familia bakoitzaren esku dago horietako bat aukeratzea,
baina plaza esleitzeko ez da kontuan hartuko
familiaren bizilekuaren eta udalerriaren barruko
eskola jakin baten arteko hurbiltasuna.
Covid-19ko testuinguruan, ohiko ate irekien egunak ezingo dira antolatu,
baina haurreskolekin harremanetan jar zaitezkete e-postaz
edo telefonoz, 9:00etatik 14:00etara,
funtzionamendua ezagutzeko edo edozein duda argitzeko.
|
San Juan Haurreskola San Juan auzoa, 17 Tel.: 943 73 04 34 E-posta: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. |
Itxaropen Haurreskola Itxaropen auzoa, 15-16 Tel.: 943 73 37 78 E-posta: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. |
Informazio gehiago www.haurreskolak.eus Informazio orokorra / Familiak atalean
►Informazio-orria – 2021-2022 ikasturtea
