Maiatzaren 18an, 20:15ean lehen saioa

San Juan bezperako suaren inguruan eta ondorengo erromerian egingo diren dantzak ikasteko ikastaro irekia jarriko da martxan asteazkenean, maiatzaren 18an, 20:15ean, Sustraiak dantza taldearen lokalean.

Herritar guztiei irekitako ikastaroa da eta doakoa. Irakatsiko direnak: San Juan zortzikoa, Bedaio, 7 jauzi, Txulalai, Bolant dantza, Lantz, Ostalersa, Hegi eta nola ez, fandango eta arin-arina.

Ekainaren 23ra bitarteko asteazkenetan, egingo dira saioak, toki eta ordu berean.