Jaiak gerturatzen ari zaizkigun honetan, herritarren parte hartze zuzena eskatzen duten ekitaldietarako entseguak ere martxan jartzen hasi dira poliki-poliki. Martxoan Larrain Dantza eta Kapela Dantzakoak abiatu ziren, eta oraingoan Maiatzaren 2an egingo den Herri Danborradakoak abiatuko dira. Entseguak apirilaren 14an hasiko dira 20:00etan Haztegi Ikastolako atzeko pilotalekuan. Entseguak astearte (14, 21) eta ostiraletan (17, 24) izango dira esandako leku eta orduan. Azken entsegu orokorra bandarekin, apirilaren 29an, asteazkenean, Domingo Agirre eskolako pilotalekuan gaueko 21:00etan. Herri Danborradan parte hartzeko 18 urtetik gorako legazpiarra izatea eta entsegu egunetan izena ematea besterik ez duzu behar. Anima zaitezte.
