36 proposamen aurkeztu ziren, eta horietatik 5 hautatu dira aurrekontuan sartzeko

Irailean, proposamenak aurkezteko epean, 28 pertsonak aurkeztu zituzten 2023ko aurrekontuetarako inbertsio-proposamenak.

Aurten parte hartu duten pertsonen kopurua pandemiaren aurreko urteetan baino txikiagoa izan da, baina aurkeztutako proposamenen kopurua antzekoa izan da. Izan ere, aurreko edizioetan, aurrekontu parte-hartzaileen edizioetan, inbertsio-proposamen bera aurkeztu zuten pertsona askok.

Aurten 36 proposamen aurkeztu dira, eta horietako 7 errepikatutako proposamenak dira. Beraz, aurkeztutako 29 proposamen aztertu dira. Horietatik:

• 4 proposamen, 50.000 euro ingururekin egin daitezkeen inbertsio-proiektuak dira, eta aurrekontuan sartuko dira.
• Proposatutako inbertsio-proiektuetako bat 90.000 €-rekin egin daiteke, eta aurrekontuan sartuko da.
• Proposatutako proiektu bat martxan dago jadanik.
• 7 proposamen gauza daitezke, baina ez momentu honetan.
• 16 proposamen atzera bota dira oraingoz.

Hauek dira 2023ko aurrekontuan sartuko diren inbertsio-proiektuak.

1. Itxaropen haurreskolako haur-parkea berritzea.
2. Plazaolako garajeetarako sarbideetan dauden baldosak kentzea eta sarbideak asfaltatzea.
3. Ur-zurrusten gune bat ipintzea.
4. Txakurrentzako parke itxi bat egitea.
5. Kiroldegiko kantxako zorua aldatzea.

Udalak Legazpirekiko konpromisoa eskertu nahi die gure udalerria hobetzeko inbertsio-proposamenak aurkeztu dituzten guztiei.