Zerbitzuaren kontratazio berria dela eta, joan den urtarrilaren 11tik aldaketa txikiak egin dira 11 eta 17 urte bitarteko legazpiarrei zuzendutako Nerabeentzako Zerbitzuaren ordutegian. Horrek hobekuntza ekarri du; horrela, zerbitzua ematen den egunetan, gizarte- eta hezkuntza-arloko esku hartzea hiru eremuetan egingo da, hau da, Gazte-txokoan, sare sozialetan eta kalean.

Ostiraletan izan ezik; ostiraletan altu egingo da Gazte-txokoaren dinamika eta taldeko edo banakako esku-hartzeetan zentratuko dira, Gazte-txokoa irekitzen delako lehenik. Gainerako egunetan lehenik, sare sozialetan esku hartuko dute, gero kalean, eta, azkenik, Gazte-txokoan.

Igandeetan, Gazte-txokoaren ordutegia aldatuko da eta 20.00ak arte egongo da zabalik, 20.30ak arte izan beharrean. Gainerako egunetan ordutegiak berdin jarraituko du: asteazken eta ostegunetan, 17.00etatik 19.30era; ostiraletan 14.00etatik 17.00etara, taldekako edo banakako esku-hartzeetarako soilik; eta larunbat eta igandeetan 17.00etatik 20.00etara.

Azkenik, aurrerantzean hezitzaile taldea asteazken goizetan bilduko da. Beraz, gurasoei arreta emateko ordutegia asteazkenetan 10.30etik 12.30era izango da. Asteazkenetan ere bilerak egingo dituzte hezitzaile-taldeak udalerriko beste udal-zerbitzu batzuekin eta gizarte- eta hezkuntza-eragileekin.

 

Legazpiko Nerabeentzako Zerbitzuaren ordutegia

► Gazte-txokoan

- Asteazken eta ostegunetan, 17.00etatik 19.30era

- Ostiraletan, 14.00etatik 17.00etara (taldeko edo banakako esku-hartzea)

- Larunbat eta igandeetan, 17.00etatik 20.00etara

► Sare sozialetan

- Asteazkenetan, 15.30etik 16.15era

- Ostegunetan, 15.30etik 16.00etara

- Ostiraletan, 17.00etatik 18.00etara

- Larunbatetan, 15.30etik 16.00etara

- Igandeetan, 16.00etatik 16.30era

► Kalean

- Asteazkenetan, 16.15etik 17.00etara

- Ostegunetan, 16.00etatik 17.00etara

- Ostiraletan, 18.00etatik 19.00etara.

- Larunbatetan, 16.00etatik 17.00etara

- Igandeetan, 16.30etik 17.00etara