Legazpiko Udalak gogorarazi die legazpiarrei etxeko inprimagailu-kartutxo erabiliak Kultur Etxeko eta Bikuña kiroldegiko sarreretan dauden edukiontzi laranjetan utz ditzaketela.

Udaleko brigada arduratuko da Sasietako Garbigunera eramateaz, ondoren birziklatzeko.

Zerbitzua 2017an jarri zen abian, eta Klima-aldaketaren eta Garapen jasangarriaren udal-Estrategiaren 3.2.3 ekintzaren barruan kokatzen da. Horrez gain 12. Garapen Jasangarriaren Helburua (ekoizpen eta kontsumo arduratsuak) betetzen laguntzen du.