Gipuzkoako Foru Aldundiak partaidetza prozesu bat abiatu zuen, bere aurrekontuaren zati bat hainbat eskualdetan hobekuntzak egiteko erabiltzeko. Urola Garaia gure eskualdea hobetzeko, 2 milioi euro jarri zituen Foru Aldundiak herritarren esku.

 

Aurreko bilera batean, herritarrek euren iritziak eta proposamenak bota zituzten: 80 guztira. Orain, proposamen horietatik lehentasuna zeini eman erabaki beharko dute.

 

Horretarako, bilera izango da, datorren asteartean, hilak 9, 18:30ean, Uggasaren egoitzan (Muniategi Poligonoa, C bidea, 18. pabiloia), Urretxun.

 

Legazpiko Udaletik deia egin diete herritarrei, bilerara azal daitezen, eta hain garrantzitsua den erabakian esku har dezaten.