Nerabe Zerbitzuak ez du etenik izango haur zein gazteek ikasturtea amaitzen dutenean; are gehiago, eskaintza ugaritu egingo da. Ekainaren 17an, izotz lehiaketarekin hasi, eta uztailaren 24an egingo duten agur bazkari-festara bitartean, hamaika ekintzaz gozatzeko aukera izango dute.
Gazte-txokoko sarrerako atea margotzea (ekainak 25 eta 26), DBHO-2koekin 16-18 proiektuaren agur ekintza (ekainak 29), Nerabe Zerbitzuaren txokoa (uztailak 3), Madrilera irteera (uztailak 6, 7 eta 8), Play Station 4arekin jolasean (uztailak 10), hondartzara irteera (uztailak 14), Gaubela (uztailak 16 eta 17) eta DBHO-1eko gazteek antolatutako haurrentzako tailerrak (uztailak 21). Eta Uztaila Kulturaleko egitarauaren barnean antolatutako ekintza: Zine Foruma, "Musarañas" filma ikusteko, uztailaren 22an.
Nahi adina ekintzetan har daiteke parte, baina horretarako, beharrezkoa da dirua eta gurasoen baimena eramatea Nerabe Zerbitzura.
Ekintzei, baldintzei, prezioei eta ordutegiei buruzko informazio gehiago ikusteko, sakatu hemen.
