Izena emateko epea martxoaren 22an hasiko da eta apirilaren 6an bukatuko da.
1. Kontratazioak:
Legazpiko Udalak hiru hilabeteko lanaldi osoko 6 kontratazio egingo ditu. Zehazki, ondorengo lanbide-profila izango duten pertsonak kontratatuko dira:
* Lorezaintzako 2 peioi.
* Askotariko eginkizunetarako 4 peoi.
2. Kontratatuko diren pertsonen baldintzak:
Kontratatuko diren pertsonak Lanbide-Euskal Enplegu Zerbitzuan izena emandakoak izango dira eta bertan enplegu-eskatzaile gisa azalduko dira. Halaber, lanpostuaren arabera, igeltserotzako edo lorezaintzako peoi gisa gutxienez 6 hilabeteko esperientzia izan beharko dute.
Modu berean, ondorengo kolektiboetako batekoak izango dira:
a) 35 urteko edo hortik beherako langabeak.
b) 45 urtetik gorakoak, enplegu-eskatzaile gisa eta langabezia egoeran gutxienez 6 hilabete daramatzatenak.
c) 55 urtetik gorakoak.
d) Iraupen luzeko langabeak (iraupen luzeko langabeak dira Lanbiden enplegu-eskatzaile gisa kontratatu aurreko 18 hilabeteetan 12 hilabetez izena emanda egon direnak).
e) Gizarte-bazterkeria jasateko arriskuan dauden pertsonak (diru-sarrerak bermatzeko errentaren titularrak, beren elkarbizitza-unitateko kideak, desgaitasunen bat dutenak, genero-indarkeriaren emakumezko biktimak,…).
Kontratatuko diren pertsonetatik % 30 diru-sarrerak bermatzeko errentaren titularrak izango dira eta % 40 emakumezkoak.
Egingo diren kontratazioetatik % 15 Lanbiden izena emanda duten 55 urtetik gorako pertsona langabetuentzako izango dira.
3. Kontratatuko diren pertsonak aukeratzea:
Kontratatuko diren pertsonak LANBIDEK aukeratuko ditu, aurreko atalean ezarritako baldintzak beteko dituzten eta lan egiteko berak aktibatutako enplegu-eskaintzetan izena emango dutenen artean.
Aukeraketa egiteko ondorengo baremoa erabiliko da:
- Emakumea:3 puntu.
- 55 urtetik gora:6 puntu.
- Diru-sarrerak bermatzeko errentaren titularra:3 puntu.
- Iraupen luzeko langabea:3 puntu.
- Igeltserotzako/lorezaintzako peoi gisa eskuratutako esperientzia eskatutakoa (6 hilabete) baino handiagoa bada:6 hilabeteko puntu 1, gehienez 3 puntura arte (esperientzia 2 urtekoa edo gehiagokoa denean jasoko diren puntuak).
Izena emateko epea martxoaren 22an hasiko da eta apirilaren 6an bukatuko da.