Atzo, alkateak eta EAJ-PNVko senatari Eugenia Iparraguirrek bilera izan zuten ADIFeko Isabel Pardo lehendakariarekin eta Juan Pablo Villanueva zuzendari nagusiarekin,
urriaren 18ko bileran erabakitako lanerako planaren jarraipena egiteko asmoz; plan horretan honako hauek jaso ziren:
behin-behineko sarbidea egitea eta nasak handitzea –gaur egun eginda daude–, eta Legazpiko tren-geltoki berria eraikitzeko proiektua egitea.
Horrenbestez, lau aldiz bildu da alkatea ADIFekin: lehen bilera 2017ko maiatzean izan zen. Bilera haren ondoren, 2018ko hasieran,
lanerako plan bat adostu zen –PPko gobernuarekin–, behin-behineko lana eta geltoki berria kontuan hartzen zituena.
Gobernuan PSOE sartu zenean, alkateak berriro ekin zien elkarrizketei, hitzartutako planak aurrera egingo zuela ziurtatzeko asmoz.
Behin-behineko sarbidea eta nasak handitzeko lanak 2018an egin ziren, eta atzoko bileran ADIFeko lehendakariak baieztatu zuen
geltoki berriaren proiektua apirilean bukatuko dutela eta obrak aurtengo irailean hasiko direla.
