Aurreko udaran, udalak Arrasetan duen pinudiaren 5 Ha moztu zituen, baso kudeaketa jasangarrirako planari jarraituz. Orain, zuhaitz landaketa berria egingo du, bertako basoa berreskuratzeko helburuarekin.
Horretarako enpresa bat kontratatu du 1500 haritz landatzeko aste honetan bertan.
Horretaz gain, azken hamarkadetako ohiturari jarraituz, herritar bolondresekin 100 zuhaitz landatuko ditugu: 50 mendiko haritz (Quercus petraea) eta 50 ametz (Quercus pyrenaica). Esan beharra dago, zuhaitz hauek Legazpiko basoetan jasotako hazitik sortutako landarea direla; Gipuzkoako foru aldundiko basozainei esker.
Hitz ordua, martxoak 26 igandean, goizeko 9.30tan izango da. Udaletxe aurrean elkartuko gara, Euskal herria plazan eta oinez igoko gara Mantxola auzotik Arraseta mendiraino. Eguerdi ingururako jaitsiko gara berriz herrira.
Izen ematea beharrezkoa da ekintzan parte hartzeko, martxoak 24 baino lehen, ondorengo estekan:
Guztion artean bertako basoa berreskuratzeko aletxoa jarriko dugu, animatu parte hartzera!
