Legazpiko Tipi Tapak urteko ostegun guztietan egiten ditu ibilaldiak, eta elkarteetako, ikastetxeetako eta hainbat erakundetako pertsonak elkartzen dira.
Programa honen helburua bikoitza da: jarduera fisikoa egitea eta belaunaldien arteko harremanak sustatzea.
Gainera, urtean badira hiru egun, martxoan, ekainean eta abenduan, non LegazTipi Tapak ospakizun berezi bat egiten duen, jarduera desberdinekin.
Oraingo honetan, “Bizikletaz adinik ez” izeneko irabazi asmorik gabeko erakundeak proposatutako jarduera gauzatuko da. Erakunde horrek etxetik edo egoitzetatik irteteko zailtasunak dituzten pertsonen bizi-kalitatea hobetzea du helburu eta trizikloetan gidariekin ibilaldiak egitea eskaintzen ditu.
Trizikloetan eskainitako ibilaldiak egun osoan zehar egingo dira, ibilgailu horientzat ibilbide egokia eginez.
Real Sociedad Fundazioa elkarlanean ari da proiektuarekin Gipuzkoa osoan, eta datorren martxoaren 30ean iritsiko da Legazpira.
Ekimen horren bidez, erabiltzaileei kalera joateko aukera emateaz gain, haien oroitzapenak eta emozioak aktibatzea lortzen da, aspalditik egon gabe zeuden lekuak bisitatzean, eta harreman berriak egitea sustatzen da.
