Martxoaren 18az geroztik Loiuko aireportura doazen Lurraldebuseko lineak Mugi sisteman integratu dira, eta, hobekuntza horri esker, prezio horretan joan gaitezke aireportura.
Astelehen honetatik aurrera, legazpiarrak Loiuko aireportura joan ahal izango dira gutxiago ordainduta. Hala, MUGI txartel pertsonalizatua dutenek 1,94 euro ordainduko dute; izen gabeko MUGI txartela dutenek 2,53 euro ordaindu beharko dute eta MUGI txartelik gabe 7,45 euro da bidaiaren kostua. Orain arte, 12 euro ordaintzen ziren.
Gogoratu Legazpitik Loiuko aireportura joateko Arrasateko San Prudentzioko biribilguneko geltokian hartu behar dela autobusa. Hauek dira ordutegiak: 05:20, 08:05, 11:05, 14:05, 17:20 eta 21:20. Legazpin autobusa, gutxienez ordu erdi lehenago hartu behar da herriko edozein geralekutan: Industrialdea, Saturnino Telleria kalean edo Bikuña industrialdean.
Autobusez aldatu behar denez, bi ibilbideetako bat bakarrik ordaintzen da, ibilbide garestiena. Beraz, Legazpitik San Prudentziorako bidaia doakoa da.
