Legazpiko Udaltzaingoaren ibilgailu elektrikoak matxura larria izan du, eta ezin izan da konpondu. Ondorioz, Udalak “Desguaces Aztiria” enpresari eman dio ibilgailua, eta bertan piezaka zatikatu egingo dute. Piezak Uglera (Urola Garaiko Lanbide Eskola) eramango dira, eta han auto elektrikoen esparruan aztertuko dira.
Legazpiko Udalak horrela egitea erabaki du eskualdeko ikasleei kalitatezko lanbide-hezkuntza eskaintzeko eta ematen jarraitzeko.
