Asteburu honetan LEGAZPIko Erdi Aroko I. Azoka ospatuko da. Apirilaren 12, 13 eta 14an giroak da Erdi Aroko estetika eta bizitza gogora ekarriko digu.
Erdi Aroko Azokak Legazpiko erdialdeko kaleak Erdi Aroko herri bihurtuko ditu, 60 artisautza-posturekin. Ostiraletik, apirilak 12, igandera arte, apirilak 14, hainbat ekintza aurrera eramango dira, hala nola kalejirak, su ikuskizunak, dantzak edo haurrentzako jarduerak.
Herriko erdigunean kokatuko diren postuen artean hainbat produktu lantzen dituzten artisauak egongo dira, hala nola bitxigintza, kosmetika naturala, larrua edo zeramika. Era berean, hainbat elikadura-postu egongo dira, besteak beste, hestebeteak, gozokiak edo garrapinatutako produktuak, baita gune arabiar bat ere.
Asteburu osoan zehar kalejira musikalak izango ditugu, bufoi, zanko, dantzari eta su ikuskizunekin, besteak beste. Gainera, txikienek ibilbidean zehar kokatuko diren txotxongilo eta tailerrez gozatzeko aukera izango dute.
Postuak irekita egongo dira 17:00etatik 22:00etara, ostiralean, eta 11:00etatik 22:00etara, larunbatean eta igandean. Eguerdian, 15:00etatik 17:00etara, artisautza postuak itxi egingo dira, baina ez taberna, janari zerbitzua eskainiko baitu.
Erdi Aroko azoka Euskal Herria plaza eta kale Nagusian izango dira.
Proiektu honen helburu nagusia tokiko merkataritza – hurbileko merkataritza babestea da. Hori dela eta, Legazpiko dendak apaindu eta beren produktuak kalera aterako dituzte. Gainera, tokiko merkataritzan kontsumitzeak ere saria du: 10 eurotik gorako erosketengatik, txartel bat jasoko da, eta, horren bidez, haur txikienek haurrentzako gunean jarriko diren atrakzio ekologikoetan doan muntatzeko aukera izango dute.
Erdi Aroko jantziak soinean aurkezten diren guztien artean 5 euroko 50 txartel zozketatuko dira udalerriko saltokietan kontsumitzeko.
