Joan den larunbatean, Legazpiko mintzalagunez osatutako taldetxo bat Bizkai aldean ibili zen bazterrak ezagutu eta mintzapraktika egiten.
Goizean, Balmasedako La Enkartada Fabrika-Museoa bisitatu zuten. Bertan, garai batean txapelak nola egiten zituzten ikusi zuten.
Balmaseda herria ezagutu ondoren, Muskizeko Pobeña auzora joan ziren eta, bazkal ondoren, Itsaslur izeneko bide berdean paseotxo bat eman zuten.
Gustura ibili ziren Mintzalagunak eta aukera aprobetxatu zuten elkar ezagutu eta testuinguru berrietan mintza-praktika egiteko.
