pulse aquí para ir al facebook del Ayuntamiento de Legazpi pulse aquí para ir al twitter del Ayuntamiento de Legazpi pulse aquí para ir a Youtube del Ayuntamiento de Legazpi pulse aquí para ir al flickr del Ayuntamiento de Legazpi pulse aquí para ir al instagram del Ayuntamiento de Legazpi

Urtarrileko egutegiko esaldia osatzen duen hitza: ONDASUNA
02
Ots
2023

Urtarrileko egutegiko esaldia osatzen duen hitza: ONDASUNA

Aurten esaera zaharrei eman diegu lekua urteko egutegian lehiaketarako, ezagutzera emateko eta erabilera sustatzeko

Esaera zaharrak bizitzako gaiei buruzko balioak transmititzen dituzten esaldiak dira, belaunaldiz belaunaldi ahoz transmititzen direnak.

Aurten esaera zaharrei eman diegu lekua urteko egutegian, euskarazko esaera zaharrei. Eta horiei lotuta, Legazpiko Bertso Olariak bertso eskolako partaideek, bertsoa osatuko digute hilabetez hilabete. Urtarrileko esaerak hauxe dio:

 

Osasuna, munduko ONDASUNA

 

Eta horren inguruan osatu du Nekane Gonzalez Gerrikok, Bertso Eskolako bertsolariak, hilabeteko bertsoa:

 

Txaleta kostaldean

eraztun, koilare,

Aston Martin, Ferrari

luxuzko aldare.

Ametsak, amets, baina

onartu halere,

guztiak sobran daude

osasunik gabe.

 

Arrazoia galanta! Osasunik gabe ezertaz gozatzerik ez baitago, munduko luxurik handienak izanda ere.

Bide batez, bertsogintzaren inguruko azalpen txiki bat ere emango digute bertsolariek, eta hilabete honetakoan, Nekane, bertsoa egiterakoan erabilitako neurriaz aritu da: Zortziko txikian egin du bertsoa, 8 lerroko bertsoa, 7 eta 6 silabatako lerroekin 4 puntu osatuta. Eta puntuaren bukaeran erabilitako hitzak edo oinak dira, errima dutenak: koilare / aldare / halere / gabe.

Lan bikaina egin du Nekanek, horren hitz gutxitan, esaera zaharraren mezua azaldu eta doinuan sartuta.

Ondorengo estekan, Nekanekosatu duen bertsoa duzue:

 

Entzun Urtarrileko Bertsoa:

 

Albiste guztiak