pulse aquí para ir al facebook del Ayuntamiento de Legazpi pulse aquí para ir al twitter del Ayuntamiento de Legazpi pulse aquí para ir a Youtube del Ayuntamiento de Legazpi pulse aquí para ir al flickr del Ayuntamiento de Legazpi pulse aquí para ir al instagram del Ayuntamiento de Legazpi

81. Fortuna mendi ibilbidea igandean bukatuko da Legazpin
31
Mai
2023

81. Fortuna mendi ibilbidea igandean bukatuko da Legazpin

42 km-ko ibilbide luzea edo 22 km-ko ibilbide laburra egin ahal izango da

 

Fortuna kirol-klubak 81. mendi-ibilaldi arautua antolatu du datorren iganderako.

 

Ekimen hau 1941ean jarri zen martxan, mendiarekiko zaletasuna piztuko duten mendi-ibilbide erakargarriak egiteko eta euskal mendien inguruko lekuak eta ibilbideak zabaltzeko.

 

42 km-ko ibilbide luzea edo 22 km-ko ibilbide laburra egin ahal izango da:

1. 42 km-ko ibilbide luzea, 1.700 metroko desnibel positiboarekin, 6.40ean irtengo da Ilarduiatik, eta, honako lekuetatik igaroko da: Allarte, Oltza (1. kontrola), Urbia, Gomistegi (2. kontrola), Aloña, Jarondo, Udana (3. kontrola, 15:45ean itxiko dena), Lizarmendi eta Legazpi (Euskal herria plaza). 10 orduko iraupena izango du, gutxi gorabehera.

2. 22 km-ko ibilbide laburrak 830 metroko desnibel positiboa izango du eta Arantzazutik abiatuko da 9:30ean. Leku hauetatik igaroko da: Gomistegi (1. kontrola), Aloña, Jarondo, Udana (2. kontrola, 15:45ean itxiko dena), Lizarmendi eta Legazpi (Euskal Herria plaza). 5,5 orduko iraupena izango du, gutxi gorabehera.

 

Ibilbidearen zati handi bat Aizkorri-Aratz Parke Naturaletik igarotzen da; beraz, mendiari eta naturari zor zaien errespetuagatik, ontziak eta hondakinak gorde egin behar dira, eta iristean bota, edo hobeto, etxera bueltan eraman.

 

Igarotze-kontroletan edaria eta oinarrizko elikagaiak emango dira.

 

Larrialdi kasuetarako hauxe da antolatzaileen telefono-zenbakia: 689 234367.

 

Izen-ematea eta informazioa: www.cdfortunake.com

 

 

Albiste guztiak