Legazpiko Udalak, EUDELekin lankidetzan, Europako Kontseiluak diseinatutako ELoGE gobernantzaren arloko Europako Bikaintasun Zigiluaren 5. edizioan parte hartuko du.
Udalak 2018an lortu zuen zigilu hori, eta 2024an berritu nahi du.
Europako Kontseiluaren ELOGE zigilua, toki mailan berrikuntzarako eta gobernantza onerako estrategiaren zutabeetako bat da eta hauxe da helburua: administrazioen egitea mobilizatzea eta bizkortzea, Europako herritar guztiak toki mailako gobernantza demokratiko on baten onuradun izan daitezen.
Proiektua osatu ahal izateko ezinbestekoa da herritarrei galdetzea. Ondoren, galdetegiak emango dituen datuak Udalak egingo duen lanaren ondorioz jasoko diren datuekin kontrastatuko dira.
15 galderako inkesta telematikoa da, eta ez dizu 5 minutu baino gehiago iraungo. Esteka honetan eskura daiteke:
Inkesta paperean ere bete ahal izango da HAZen, 8:00etatik 15:00etara. Horretarako hautestontzi bat egongo da.
Benetan eskertzen dugu herritarren lankidetza, gure udalerriko gobernantza ona hobetzeko ezinbesteko laguntza izango baita.
