“Etxeko Ura” izeneko kanpainan parte hartu duten jatetxeetan uraren gaineko galdeketa bete duten 302 bezeroen artean zozketa egin ondoren, aste honetan sariak eman zaizkie saridun suertatu diren 17 pertsonei.
Saria ura arduraz kontsumitzeko lagungarriak diren produktuen sorta bat da. Hauek dira produktu horiek: kanpainaren logoa daraman beirazko pitxarra, kaniletarako aireztagailua eta dutxarako kronometroa.
Ostalariek eta bezeroek oso ondo baloratu dute kanpaina.
Aurrerantzean ere, etxean nahiz jatetxeetan, kanilako ura edaten jarraitzera animatu nahi zaituztegu.
