Urola Garaiko Berdintasun arloak BILUZIK MUNDURA, sexualitateari buruzko informazio eta aholkularitza zerbitzu bat eskaintzen du. Legazpin zuzeneko zerbitzua hileko hirugarren astelehenetan eskaintzen da eta hurrengo hitzordua datorren astelehenean izango da, apirilak 18, arratsaldeko 17.30etatik 19.30etara, udaletxeko batzar aretoan. Posta elektronikoaren bitartez Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. edo sare sozialen bidez ere zerbitzuarekin harremanetan jar daiteke.
Sexualitatearen inguruan zalantzaren bat daukazu? Inori galdetzera ausartzen ez zaren kezka izkuturen bat? Harremanei buruzko dudarik? Edota generoa eta feminismoaren inguruan hausnartzen aritzen zara eta batzuetan galduta sentitzen zara?
Horrelako dudak edo antzekoak badituzu, Biluzik Mundura zerbitzura jo dezakezu. Banan-banako arreta; atentzio anonimoa eta konfidentziala, berehalakoa, eskuragarria eta doakoa jasoko duzu. Informazioa, aholkularitza, detekzioa, deribazioa, laguntza eta kudeaketa eskainiko zaizu.
Nahiz eta gazte eta nerabeei zuzendua izan, adin guztietako pertsonak hartzen dira zerbitzuan, sexu eta genero gaietan bakoitzaren premiei erantzutea baita helburua.
►Zuzeneko zerbitzuaren hurrengo egunak: maiatzak 16 eta ekainak 20◄
