Donostiako Jazzaldia hasten den egunean, jazza izango dugu Legazpin ere. Uztaila Kulturala egitarauko Musika Kalean programako azken saio hau Laubide kalean hasiko da 19:30ean, (Eguraldiak laguntzen ez badu Domingo Agirre ikastetxeko pilotalekuan).
Euskal kantak, New Orleanseko 20. eta 30. hamarkadetako musikara moldatzen dituen jazz taldea da EuskOrleans Dixie Band. Esaterako, Benito Lertxundiren "Bizkaia maite", Mikel Laboaren "Txoriak-txori", "Peio Joxepe", "Boga-boga" edo "Batasuna".
EuskOrleans Dixie Bandekin, girotze original eta harrigarri bat ziurtaturik izango dugu.
- Bateria:Javier Area
- Sousaphone-a:Igor Telletxea
- Akordeoia:Iñaki Dieguez
- Gitarra:Mikel Sukunza
- Saxo Sopranoa:Julen Izarra
- Tronpeta:Mikel Valcarlos
- Tronboia eta ahotsa:L.M. Moreno "Pirata"
