Irailaren 27an 18:30etan, Laubideko haurreskolan (“hexagonoan”). Parte har ezazu!
Uda ondoren Agenda 21 Foroakbere jardunari berrekingo dio. Energia berriekin, hurrengo saioan parte hartzera gonbidatzen zaitugu.
- Saioa irailaren 27an egingo dugu.
- ADI! Laubideko Haurreskolan (hexagonoan),18:30etik 20:00etara.
Oraingo honetan Legazpin drainatze iraunkorreko hiri-sistemak (DIHS) ezartzeko Udala bultzatzen ari den 2 egitasmo aurkeztu nahi ditugu.
Gai honen inguruan Foroarekin egindako saioetan jakin genuenez, sistema horiek uraren zikloa berreskuratzen laguntzea dute helburu; ur hori lurzoruan sartzeko modu desberdinak erabiliz: bilketa, iragazketa-arazketa, erretentzioa, garraioa...
Hori horrela, honakoa proposatzen dizuegu:
- Batetik Latxartegiko parke txiki eraberritua nola geratu den, eta DIHS nola txertatu zaion ezagutzea.
- Eta bestetik Laubideko parkea estaltzeko DIHS bat barneratuz prestatu den egituraren proiektua ezagutu, eta elkarrekin lantzea. Eguraldia lagun, parkera gerturatuko gara.
Parte hartzera animatuko zarelakoan, elkarrekin Legazpiren iraunkortasunaren aldeko proiektu berritzaileak lantzen jarraitzeko, eskerrik asko!
