Ostiralean, urtarrilaren 5ean azoka-eguna aprobetxatuz, postu bat jarriko da udaletxearen eta parrokiako arkupeen artean, Nerabeentzako Zerbitzuaren eguna eta 20.urteurrena ospatzeko.
Postu horretan, 20 urte horietan ateratako zenbait argazki erakusgai egongo dira, eta zerbitzuak nerabeentzat zer esan nahi duen islatzen duten materialak erakutsiko dira. Gainera Zerbitzuaren erabiltzaileek eta hezitzaileek pintxoak banatuko dituzte ospakizuna ospatzeko.
Dakizuenez, Nerabeentzako Zerbitzua gizarte- eta hezkuntza-izaerako udal-zerbitzua da, erreferentziazkoa Legazpiko 11 eta 17 urte bitarteko nerabe guztientzat. Nerabeak dauden guneetan eskaintzen da zerbitzua, hau da, Gazte-txokoan, kalean eta sare sozialetan.
Nerabeentzako Zerbitzuaren bitartez, gazteek aukera paregabea dute euskaraz modu aktiboan parte hartzeko, aisialdiaz gozatzeko, lagunekin egoteko, beren intereseko jarduerak antolatzeko, gogoeta egiteko, etab. Hori guztia nerabeekin hezkuntza-harreman eraginkorra sustatzeko lan egiten duten hezitzaileen laguntzarekin, balioetan heziz, gizonen eta emakumeen berdintasuna landuz, eta Legazpiko gizarte- eta kultura-dinamiketan parte hartzea landuz.
Bideoa
Gabonetan, nerabe talde batek Gazte-txokoko hormak margotu ditu, urtarrilaren 2an Zerbitzuak zabaldu zenetik 20 urte bete dituela gogorarazteko. Zerbitzuaren bilakaeraren berri ematen duen bideo bat ere egin da. Zuen gustukoa izatea espero dugu!
