Ongi etorri Legazpiko Udalaren webgunera
Gure webguneak eskaintzen duen guztia deskubritzera eta gure herria hobeto ezagutzera gonbidatzen zaituztegu. Espazio hau sortu dugu Udalaren informazioa eta zerbitzuak erraz eskuratzeko: informazio argia aurkitzeko, kudeaketak erraz egiteko eta egunero Legazpi hobetzeko egiten den lana bertatik bertara ezagutzeko.
Web hau ilusioz egin dugu, eskaintzen dugun informazioa zuen interesekoa izango delakoan eta gure udalerriko hainbat alderdi hobeto ezagutzen lagunduko dizuelaz ziur gaudelarik. Era berean, tresna praktikoa izatea nahi dugu: izapide, zerbitzu, udal-ordenantza eta beste gai batzuetarako erabilgarria, herritarren eta udalaren arteko harremana errazagoa eta irisgarriagoa izan dadin.
Legazpi bere jendeari esker aurrera egiten duen herria da: hurbileko herria, konpromisoa duena eta komunitateko bizitza ulertzeko modu berezia duena. Alkate naizen aldetik, nire konpromisoa, arduraz eta gardentasunez lan egiten jarraitzea da, benetan axola duena entzunez eta artatuz, eta hemen bizitzeaz harro egotea eragiten diguna zainduz.
Eskerrik asko webgune hau bisitatzeagatik eta Legazpiko bizitzan aktiboki parte hartzeagatik. Guztion artean gure herriak funtzionatzea, haztea eta etorkizunari konfiantzaz begiratzea lortzen dugu.
Eric Galvez
Legazpiko alkatea
