Legazpiko Udalak AROA – Legazpin euskara indarberritzeko eta euskaldunak ahalduntzeko marko estrategikoa (2026–2036) onartu du. Hamar urteko ikuspegia duen plan honek euskararen erabilera handitzea, herritarren ahalduntzea eta udalerriko hizkuntza-bizikidetza justu eta inklusiboa indartzea du helburu.
AROA plana udaleko ordezkari politiko eta teknikoen, herriko eragileen eta herritarren arteko elkarlan zabalaren emaitza da. Prozesu parte-hartzaile baten bidez osatu da, Legazpiko euskararen egungo egoeraren diagnostiko zehatza oinarri hartuta, eta etorkizuneko erronkei modu adostuan erantzuteko asmoz.
LEGAZPIN EUSKARA INDARBERRITZEKO ETA EUSKALDUNAK AHALDUNTZEKO MARKO ESTRATEGIKOA 2026-2036
