Youtube Youtube

Etxeko hondakinak

HIRI-HONDAKIN SOLIDOEN BILKETA

 

Legazpiko kaleetan, birziklagarriak diren hondakinak (materia organikoa, ontzi arinak, papera eta kartoia, beira, etxeko olioa, pilak eta arropa) jasotzeko edukiontzi espezifikoak daude. Modu berean, birziklagarriak ez diren hondakinak (errefusa) jasotzeko edukiontzia dago.

 

Materia organikoa:

Legazpin bi aukera daude materia organikoa kudeatzeko:

  • Edukiontzi marroia:

Udalak edukiontzia irekitzeko giltza banatu du. Edukiontzia egunero ireki ahal izango da edozein ordutan.

Materia organikoa jasotzeko poltsa konpostagarriak bakarrik erabili behar dira.Poltsa horiek patatarekin edo artoarekin daude eginda eta desegin egiten dira konpost egitean.

Poltsak Gizarte-zentroan dagoen makinan eskuratzen dira doan honako ordutegian: astegunetan 09:00etatik 21:00etara eta asteburuetan 17:00etatik 20:00etara.Horretarako Udalak banan-banako txartela eman dio familia bakoitzari.

  • Hurbileko konpostajea:

Bi modu daude:

   ·  Auto-konpostajea, lursaila izanez gero (familia bakarreko etxebizitzak,…)

   ·  Auzo-konpostajea, Udalak egokitutako konpost-guneetan.

Konpost egiteko interesa duten familiek horrela jakinarazi behar diote Sasietari (Tel:943 161555)

 

Ontzi arinak:

Edukiontzi horian ontzi arinak jasotzen dira (plastikozko poltsak eta botilak, latak, tetrabrikak,…).Ez da plastikoaren edukiontzia, sarritan horrela deitzen zaiola entzun badugu ere.

Ontziak ez diren plastikozko objektuak (pertxak, boligrafoak,…) errefusarekin batera jaso behar dira edo Garbigunera eraman behar dira (jostailuak,….).

Edukiontzi horiaren erabilera asko hobe dezakegu.

 

Papera eta kartoia:

Edukiontzi urdinean biltzen da.

Arrandegiko edo harategiko paper zikina errefusarekin batera bildu behar da.

 

Beira:

Iglu berdera bota behar da.

Gogoan izan puskatutako edalontziak eta platerak edo lanpara goriak errefusera bota behar direla.Kontsumo txikiko bonbillak eta fluoreszenteak Garbigunera eraman behar dira.

 

Etxeko olioa:

Olioa jasotzeko edukiontzian jasoko da.  Oso ondo itxitako plastikozko, beirazko edo tetrabrik ontzietan.

 

Pilak:

Pilak eta erabilitako bateriak edukiontzi arrosara bota behar dira.Inoiz ere ez karga-gailuak edo urrutiko kontrolagailuak; horiek errefusa dira.

 

Arropa:

Arropa, oinetakoak eta osagaiak edukiontzi zurian utzi behar dira; berdin da zaharkituta egon edo erabiltzeko moduan egon.

 

Errefusa (birziklatu ezin dena):

Edukiontzi grisa erabili behar da errefuserako. Egunero ireki ahal izango da, edozein ordutan. Edukiontzia poltsa konpostagarriak hartzen diren banan-banako txartelarekin irekitzen da.

 

Edukiontziez gain, badira beste sistema osagarri batzuk:

 

OBJEKTU HANDIEN BILKETA

Tresna handiak (altzariak, etxetresna elektrikoak, pintura, lan hondakinak,…) ostegun gauean atera behar dira eta edukiontziak dauden guneetan utzi.Atera aurretik Sasietara deitu behar da telefonoz horren berri emanez (Tel:943 161555).

Garbigunera ere eraman daitezke.

 

GARBIGUNEA

Legazpiri dagokion Garbigunea Deskargan dago.Bertara, etxeko hondakinak edo tamaina handiko hondakinak eraman daitezke.

Hauxe da ordutegia: astelehenetik ostiralera, 9:00-12:30 /15:30-18:30 eta larunbatetan:9:00-13:00.

 

LANDA-AUZOETAKO BILKETA GUNEAK

Landa-ingurunean bizi diren herritarrentzako hiru bilketa gune egokitu dira:

·  Aizturritzagako industrialdean (Urola kalea)

·  Bikuñako industrialdean

·  Brinkola auzoan (Armuño elkartearen ondoan)

LOTURA INTERESGARRIAK

Birziklatzea erraza da! Hondakinak ongi bereizten ikasteko Gida

Sasietako Ordenantza, hiri-hondakinen bilketa arautzen duena