Legazpiko Udalak eskerrak eman nahi dizkie Legazpi hobetzeko helburuarekin inbertsioak egiteko proposamenak aurkeztu dituzten 100 pertsonei.
Ia udalerriko zonalde guztietan inbertsioak egiteko proposamenak jaso dira: Arantzazu (2), Bikuñaenea (1), Brinkola (4), Domingo Agirre eskola (1), Itxaropen-Juanastegi (5), Kiroldegia/
futbol-zelaia (3), Lakiola (2), Latxartegi (4), Laubide (4), Mirandaola parkea (1), Olaondo (1), beste batzuk (1), San Ignazio (2), Urtatza Zahar parkea (1).
Modu berean San Juan auzoa 31-32-33 atarietako ur-kanalizazioa konpontzeko proposamena jaso da eta lan hori dagoeneko sartuta dago aurten egingo diren proiektuen artean.
Urrian zehar, udal teknikariek aurkeztutako proposamenak aztertuko dituzte eta 50.000 €ko inbertsio-proiektuen zerrenda bat aurkeztuko dute.
Laster, inbertsioetarako proposamenak aurkeztu dituzten 100 pertsona horien artean 50 €ko erosketa-bono bat zozketatuko dugu. Bono hori Legazpiko denda baten erabili ahal izango da eta, modu horretan eskainitako laguntza eskertu nahi dugu.
