Foroaren bilera horretan, Legazpiko auzo-konpostajearen egungo egoeraren berri eman nahi du Udalak. 2012. urtean hasi zenetik, hondakin organikoak konpostatzen dituzten familien kopuruak nabarmen egin du behera .
Bestalde, urte honetatik aurrera, Sasieta Mankomunitateak bere gain hartuko du Urola Garaiko eta Goierriko eskualdeetan auzo-konpostajea gainbegiratzeko eta kudeatzeko eskumena, haren funtzionamendua hobetzeko.
Hori dela eta, Foroaren hurrengo bileran Sasieta Mankomunitateko langileak izango ditugu. Haiek parte-hartzaileekin hausnarketa partekatua egiten lagunduko digute, zerbitzu hori berrantolatu eta gure udalerrian auzo-konpostajea suspertu daitekeen jakiteko.
Hauxe izango da hitzordua:
• Apirilak 23 (asteartea)
• 18:30etatik 20: 00etara
• Kultur Etxean
Aurten jarraipena eman nahi diogu 2030 Agenda Foroari, guztion artean Legazpiko jasangarritasunaren alde lan egiteko. Horregatik, aurten, auzo-konpostajea lantzeaz gain, Legazpiko Klima eta Energia Plana landu nahiko genuke herritarrekin.
Azkenik, urtearen amaieran, Foroaren helburuei eta funtzioei buruzko hausnarketa-prozesu bat egin nahi dugu, eta 2025erako herritarren parte hartzeko programa bat prestatu.
